రెండు ప్రపంచాలు...

ఎప్పుడూ
నీదో ప్రపంచం
నాదో ప్రపంచం...

ఒకే గాలి పీలుస్తున్నా
చెరొకరి వాసనలు వేరు...

ఒకే నీటిలో ఈదులాడుతున్నా
చెరొకరి పాయలు వేరు...

ఒకే గదిలో ఎదురెదురుగా వున్నా
యిద్దరి మధ్యలో గోడ...

ఒకే దిండుపై రెండు దేహాలు వున్నా
అతకని తలపులు...

ఒకరి చేతుల్లో ఒకరు ఒదిగిపోయినా
మనసులు చెరో్వైపు...

ఈ కలవని కలల కలవరింపు
అలుపెరుగని ఈ పయనం ఎటువైపు?

ఎప్పుడూ నిట్టూర్పుల అలసటతో
విరామమెరుగని ఈ ప్రస్థానం ఎందాక??

ఎగురుతున్న గాలి పటాలను
కలపలేని దారాల విఫలయత్నం కదా?

సాగనీ ఈ ముసుగు యుద్ధం
యింక విరమణ మరణయాతన కాదా??