Saturday, July 21, 2012

నీవైన నేను...

ఇంతకు ముందులా లేను కదా!!

నాకై నేను ఓ వ్యాపకంగా వున్నవాడిని
నేడు నేనన్నదే మరిచి నీవయ్యానని...

నింగినంటిన నేల బాసలు
కురిపించే వాన మబ్బునై తొలకరి వేళ
నీ ముంగిట ముత్యపు చినుకునై నేల రాలనా...

చిగురాకుల తొడిమనంటిన నీటి బిందువు
నీ చేతి వేలి స్పర్శతో కాంతివంతమై
నీ కనులలో ప్రతిఫలించి
నా గుండె గూటిలో దివ్వెవుకావా...

సఖీ
ప్రియతమా
యిలా ఏమని పిలిచినా
యింకా ఏదో మరో వేణు నాదమేదో
స్వరమై నీ చెవిలో మ్రోగాలని
అది నా గొంతులో పల్లవించాలని...

14 comments:

  1. సఖీ
    "ప్రియతమా
    యిలా ఏమని పిలిచినా
    యింకా ఏదో మరో వేణు నాదమేదో
    స్వరమై నీ చెవిలో మ్రోగాలని
    అది నా గొంతులో పల్లవించాలని"
    చాలా చాల నచ్చిందండి

    ReplyDelete
    Replies
    1. మీకు నచ్చిందంటే పాసయినట్టే కదా పద్మాజీ...ధన్యవాదాలు.

      Delete
  2. నాకై నేను ఓ వ్యాపకంగా వున్నవాడిని
    నేడు నేనన్నదే మరిచి నీవయ్యానని...
    touching.

    ReplyDelete
    Replies
    1. థాంక్యూ oddula ravisekhar గారూ..

      Delete
  3. "నీ ముంగిట ముత్యపు చినుకునై నేల రాలనా..."
    చాలా అద్భుతమైన కోటి భావాల ప్రేమ భావన అండీ ఇది.
    కవిత బాగుంది.

    ReplyDelete
    Replies
    1. చాలా థాంక్సండీ చిన్ని ఆశ గారు...

      Delete
  4. చాల అందంగా, ఆర్తిగా అక్షరాలను అలా వంపేసారు,
    కవితా పాత్రలో...అభినందనలు.

    ReplyDelete
    Replies
    1. ఓహ్..మీ అభినందనలకు సదా కృతజ్నుణ్ణి భాస్కర్జీ...

      Delete
  5. వర్మాజీ కవిత మీదైన శైలిలో శైలిలో చాలా బాగుంది, " చిగురాకుల తొడిమనంటిన నీటి బిందువు
    నీ చేతి వేలి స్పర్శతో కాంతివంతమై
    నీ కనులలో ప్రతిఫలించి
    నా గుండె గూటిలో దివ్వెవుకావా... " నాగుండె గూటిలో దివ్వెవై.. నా కనులలో ప్రతిఫలించవా.. అంటే ఇంకా బాగుండేదేమో..మన్నించాలి మీ కవిత మచ్చలేని చందమామ ఇది కేవలం నా సలహా మాత్రమె సవరణ కాదని గమనించాలి.

    ReplyDelete
    Replies
    1. మంచి సలాహానే కదా ఫాతిమాజీ...నేను అక్కడ అలా ఫీలయ్యా అంతే... యిలా నిర్మొహమాటంగా వుండే ఆత్మీయ సలహాలతోనే కదా మెరుగుపడేది..ధన్యవాదాలు..

      Delete
  6. వర్మగారు....స్త్రీ హృదయానికి పాదాకాంత్రుడ్ని అని చెప్పే ప్రయత్నంలో ఆమెనే దాసోహం చేసుకునే నేర్పుంది మీ ప్రేమకవితల్లో:)

    ReplyDelete
    Replies
    1. ధన్యవాదాలండీ సృజనగారు...కవిత అంతరంగాన్ని చదివేసారు కదా..:-)

      Delete
  7. Sweet poem అండి వర్మ గారు. చిత్రం కూడా బాగుంది.

    ReplyDelete
    Replies
    1. Thank you very much for your sweet comment జలతారువెన్నెల గారు:-)

      Delete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...