Thursday, September 28, 2017

తోవ


చీకటి పట్టిన 
గోడపై 
ఓ 
ఎర్ర గీత
వెలుతురు తోవ 
చూపుతూ

ఈ రాత్రి..




ఇప్పుడు మొదలయ్యింది..



ఇప్పుడు 
అంతా నువ్వే అంటూ 
నువ్వూ మేమే అంటూ 
వీధుల్లోకి నడిచి వస్తున్నారు

ఒక చావు ఇన్ని గొంతులుగా 
నినదించడం కొత్త ఆశ కదా!


చంపిన వాడు 
ఏ కలుగులోనో దాక్కొని 
తన చేతికంటిన నెత్తురుని
వదుల్చుకో చూస్తున్నాడు!


కదులుతున్న పాదాల ధ్వని
వాడి గుండెల్లో దడపుట్టిస్తుంది

నీ నెత్తుటి వాసన మట్టిలో కలిసి
నల్లని అక్షరాలుగా మారి 
దుఃఖాన్ని ఎరుపెక్కిస్తున్నాయి!


నువ్ ‌నవ్వుతున్న ఫోటో 
ఈ దేశ చిత్రపటం అవుతోంది!


ఒక్కొక్కరూ నేనే నువ్వంటూ 
సవాల్ విసురుతున్నారు!

యుధ్ధం 
ఇప్పుడు మొదలయ్యింది!!

(గౌరీ లంకేష్ హత్యకు నిరసనగా)
#GauriLankesh
Septmebr 8/2017

నన్ను క్షమించు


Related Posts Plugin for WordPress, Blogger...