తలుపు ఆవల..

ఎవరో తలుపు తీసిన అలికిడి!

ఒక్కసారిగా..
గదినిండా పరచుకున్న వెలుగు

కళ్ళు నులిమి చూస్తే కాని
చూడలేక పోయినంత...

ఉదయమే యింత
కాంతిని నింపిన దయాళువెవరో??

సవ్వడిలేని అడుగులతో
గుండె గదినిండా అలజడి..

నిర్వికల్ప సమాధి నుండి
చేయి పట్టుకు లేపిన దెవ్వరో??

తలుపుల కిర్రు సవ్వడింకా
చెవులలో...

కాంతిపుంజపు వెలుగు
కనులలో...

పసుపు ఆకు పరిమళం
దేహమంతా....

ద్వారం బయట
తను...

నిశ్శబ్ధంగా
అలల
కల్లోలంలో
నాలో
నేను....