Sunday, April 29, 2012

లాంగ్ మార్చ్

 
ఇప్పుడంతా నవ్వులే
అలా నవ్వుతూ
తుళ్ళుతూ
ఒకరి భుజంపై బరువు
ఒకరు మార్చుకుంటూ
చెట్టపట్టాలేసుకొని
ఒకరి వెనుక ఒకరు
ఒకరితో ఒకరు
చిన్నగా మాటాడుకుంటూ
ముసి ముసిగా నవ్వుతు
చీకట్లో వెన్నెల పూత పూస్తూ
రాదారులే లేని నేలపై
చీమల బారులా
అలా సాయుధంగా
సాహసంతో
సావాసంగా
ఉల్లాసంగా
ఉత్సాహంగా
ఉత్సవంలా
ముందుకు
మునుముందుకు...

కొండలు శిఖరాలు
నదీ నదాలు
వాగులు వంకలు
సెలయేళ్ళు జలపాతాలు
రాళ్ళూ రప్పలు
ముళ్ళూ తుప్పలు
ఏవీ అడ్డంకావు
ఆశయ సాధనకై
కదలబారడమే...

నేలరాలుతున్న
మోదుగు పూలను
ఏరుకుంటూ
జ్ఞాపకాలన్నీ
వలబోసుకుంటూ
తీర్చాల్సిన బాకీలు
తీర్చుకుంటూ
గమ్యంవైపు
వెన్ను చూపక
సాగుతున్న
లాంగ్ మార్చ్..

6 comments:

  1. గమ్యంవైపు
    వెన్ను చూపక
    సాగుతున్న
    లాంగ్ మార్చ్....
    కవిత అంతా చక్కగా వ్రాసారండి.

    ReplyDelete
  2. చలి,ఎండా,వాన,రాళ్ళు,రప్పలు వేటిని లెక్క చెయ్యకుండా కంటికి రెప్పలా కాపుకాసే సైనికులకి మీ కవిత ద్వారా మంచి స్పూర్తి నిచ్చారు.

    ReplyDelete
  3. ధన్యవాదాలు oddula ravisekhar gaaru..

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...