Thursday, August 9, 2012

ఎడారితనం...


రాయలేక పోవడం కూడా
అక్షరాల ఆత్మీయతను తెలుపుతుంది...

ఆకు రాలిన కాలంలో
పచ్చదనం గొప్పదనంలా...

గొంతెండిన వేళ
నీటి చుక్క దొరకనితనంలా...

చెప్పుల్లేని ఎండాకాలంలో
తారంటుతున్న పాదం మంటలా...

దుప్పటి దొరకని
చలిరాత్రి నిప్పు రాజేయలేనితనంలా...

కాలుతున్న కడుపులో
ఓ ముద్ద వేయలేనితనంలా...

చుట్టూ అక్షరాలన్నీ ఒక్కోటీ
వెక్కిరిస్తూ ఉలికి అందని శిలలా....

కుంచెకంటని రంగు
కాగితంపై అటూ ఇటూ అలుక్కుపోయినట్టుగా...

గొంతు దాటని రాగం
లోలోన సుళ్ళు తిరుగుతూ ఊపిరాడనితనంలా....

ఏదీ రాయలేనితనం పాడలేనితనం
దృశ్యీకరించలేనితనం ఎడారితనం కదా...

15 comments:

  1. ఏమీ చేయలేనప్పుడే తెలుస్తుందేమో...
    చేస్తే ఉండే హాయి, ఆనందం ఏమిటో...
    అభినందనలు వర్మ గారూ!
    చాలా బాగుంది..
    @శ్రీ

    ReplyDelete
    Replies
    1. మీరలా వివరణాత్మక స్పందనతో భుజం తట్టినందుకు ధన్యవాదాలు శ్రీ గారూ..

      Delete
  2. చాలా బాగుంది.. వర్మ గారూ!

    ReplyDelete
  3. రాయలేనితనం
    ఎడారితనం...అంటూ
    ఆపేయకండి...:-)
    Pic is so cute!

    ReplyDelete
    Replies
    1. అప్పుడప్పుడూ అలా ఆగితే మరలా కొత్త చిగుళ్ళు తొడుగుతాయని పద్మ గారూ..థాంక్యూ మీలాంటి చిత్రకారులకు పిక్ నచ్చినందుకు..

      Delete
  4. వర్మగారూ , ఇది ఓ నిరాశా భావన. ఏదో లేదు అనుకొనే సూన్య స్థితి,
    ఎడారితనం వెలితి తనం, ప్రతి ఒక్కరూ ఉలి చేత పడితే శిల్పి అవుతారు.
    కాకుంటే ఎన్నుకొనే రాయి( బాట ) సరైనది కావాలి. కవిత బాగుంది.

    ReplyDelete
    Replies
    1. భావనలలో అన్నీ కలగలిస్తేనే కదా మనిషి మేడం....మీ ఆత్మీయ స్పందనకు ధన్యవాదాలు ఫాతిమాజీ...

      Delete
  5. ఇంతందంగా రాసేస్తూ మేమంతా ఉండగా రాయలేనితనం ఎడారితనం ఒంటరితనం ఏంటండి?:)

    ReplyDelete
    Replies
    1. మీరంతా వున్నారన్న భరోసా యిచ్చినందుకు ధన్యవాదాలు అనికేత్...

      Delete
  6. తడారితే ఎడారి. మీది వెన్నెల దారి.ఏదీ దాయలేనితనం. అదే రాయిస్తుంది. పూయిస్తుంది. :)

    ReplyDelete
  7. మీ ఆత్మీయ విశ్లేషణకు ధన్యవాదాలు SKY గారూ..:)

    ReplyDelete
  8. mIku nachchina kavitala sateesh nI,..sKY nI, nEnE varma gaaru.. manaM OkaTE.

    bvv prasad gaari kavitvaM chadavaMDi. meeku nachchutumdi.


    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...