Friday, February 3, 2012

సరిహద్దులకావల!!!




ఎప్పుడూ మెడపై ఓ అపనమ్మకపు

కత్తి వేలాడుతూనే వుంటుంది!
దీనికంటే ఉరి నయం కదా...

మనుషుల మధ్య ఓ
తెల్లని పొరలాంటిదేదో మసకగా
ఏర్పడి వేరుచేయడం
ఎంత విషాదమో కదా..

చిర్నవ్వుల మధ్య
ఏదో దాగున్న నిశ్శబ్ధం మౌనంగా
రోధిస్తుంటే భాధే కదా..

కలకూ కలకూ మధ్య
మెలకువలో ఓ ఉలికిపాటు
తెరచాపనెవరో చించిపారేసి
నడిసంద్రంలో నావను ముంచేసినట్టు

దూరానికి దూరానికి మధ్య
గీసిన సరిహద్దు రేఖల కావలి
కాదా ఈ నిట్టూర్పు!

2 comments:

  1. నిజంగా మీ అంతరగంలో అంత నిట్టూర్పాండి??

    ReplyDelete
    Replies
    1. పద్మగారూ అంతరంగంలోని భావ సాంద్రత మీకు తెలియనిదా....ధన్యవాదాలు...

      Delete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...