Thursday, August 1, 2013

రాతి బొమ్మల కొలువు...


మాటలన్నీ నిశ్శబ్దాన్ని కావలించుకొని

గొంతు దాటని స్వరమేదో మూగగా ఆలపిస్తూ..


పారుతున్న నదీ పాయ ఒక్కసారిగా

ఇసుక తిన్నెలోకి జారిపోతూ...


అరచేతుల గుండా ప్రవహించిన

విద్యుత్ వేలి చివరనే ఆవిరవుతూ...


ఒక్కో క్షణం వానలో తడిసిన

మట్టి గోడలా కరిగిపోతూ..


ఎండుటాకును తాకిన వాన

తడి జారిపోతూ…


జ్నాపకాలేవి మిగుల్చుకోలేని

నీ నిస్సహాయత...


నీ మౌనపు భారాన్ని మోయలేని

నా అసహాయత...


ఎదురెదురుగా కూలబడ్డ

రాతి బొమ్మల కొలువు...


8 comments:

  1. ప్రతి పదం చాలా బావుందండి ఎంత బావుందండి మీ భావాల మాలిక అభినందనలు

    ReplyDelete
    Replies
    1. మీ అభిమాన స్పందనకు ధన్యవాదాలు మంజుల (చెప్పాలంటే) గారూ..

      Delete
  2. జ్నాపకాలేవి మిగుల్చుకోలేని
    నీ నిస్సహాయత...
    నీ మౌనపు భారాన్ని మోయలేని
    నా అసహాయత...

    ఎంతటి లోతైన భావాన్ని పలికించారు మీ మాటల్లో..."కవివర్మ"గారూ

    అద్భుతమైన కవిత.

    ReplyDelete
    Replies
    1. మీకు నచ్చినందుకు ధన్యవాదాలండీ అనూ గారూ...

      Delete
  3. నిగూఢభావాల నిధి మీ ప్రతి అక్షరం.

    ReplyDelete
    Replies
    1. మీ పలుకు స్ఫూర్తిదాయక౦ పద్మార్పిత గారూ.. ధన్యవాదాలు..

      Delete
  4. మాటలన్నీ నిశ్శబ్దాన్ని కావలించుకొని
    గొంతు దాటని స్వరమేదో మూగగా ఆలపిస్తూ..
    స్వరం మూగబోయి పదాలు ఏరులై పారుతున్నాయి కామోసు :-) చక్కగా రాసారు.

    ReplyDelete
    Replies
    1. meerilaa preranagaa maataadutunte alaage kaamosu..:-)

      Thanks a lot prerana gaaru..

      Delete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...