నీవూ.. నేనూ....

ఏదో జరుగుతుందనో
జరగబోతుందనో
కేలండర్ మార్చలేం...
లేచి నిలబడే ప్రయత్నం చేస్తూ
అడుగుముందుకు వేస్తూ
కదులుతూ కదిలిస్తూ
పరుగులు తీస్తూ
భుజం భుజం కలుపుతూ
సాగుతూ ముందుకు పోయే
జీవన యానంలో
రేయింబవళ్ళు
భాగాలుగా
అటూ ఇటూ
జరుగుతూ....
జరుపుతూ....

ఆస్వాదించడంలోనే
తేడా కలిగిన
విషాదపు ఆనందపు
వేళల బరిగీతల
కీవల నీవూ నేనూ...

నిజానికి
నిన్ను ప్రేమించడంలోనే
పొదిగి వున్న ఆ భావ వీచిక
మదిలో గూడుకట్టిన క్షణాన
ఇంక యుగాంతమైతే మాత్రం
నాకేంటి???