Sunday, June 29, 2014

గాయాన్ని ఊపిరి తీసుకోనివ్వు..

గాయం పులిసిన నెత్తుటి వాసనతో మత్తుగా కోత పెడుతోంది
కాసింత ఉప్పు నీళ్ళతో కడిగి శుభ్రం చేయాలేమో! 
అవసరం లేదులే అలా ఈగలు ముసిరి 
పొరలు పొరలుగా ఉబ్బి ఊడిపోతుందిలే
కట్లు కట్టి ఊరబెట్టడమెందుకు 
స్వేచ్చగా గాలికి మాననీయ్
గాయపడ్డది ఒక్కసారి కాదు కదా?
గాయమయింది ఒక్క చోటే కాదు కదా?
మానని గాటొక్కటొక్కటీ 
చెట్టు బెరడు వలే పొక్కిలి పొక్కిలిగా 
ఊడబెరుక్కుంటూ 
కొత్త చర్మపు దారాన్ని నేసుకుంటూ 
దానికదే మరల మరల 
పునర్జన్మించనీ
గాయాన్నయినా స్వేచ్చగా 
ఊపిరి పోసుకోనీయ్..

2 comments:

  1. గాలికి వదిలేస్తే తొందరగా తగ్గిపోతుంది

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...