Sunday, January 26, 2014

కాసేపలా...


కాసేపలా నడిచి వద్దాం
ఏకాంతంగా
ఒకరిలోకొకరిగా
ఎవరికి వారుగా

చల్లగా కాలికింద ఇసుక
మెత్తగా నలుగుతూ
వేసిన ముద్రలు కరుగుతూ

రెండు వెదురు ఆకులు
ఒకటికి ఒకటి
నిశ్శబ్దంగా రాసుకుంటున్నట్టు

కాసేపలా నడిచి వద్దాం
ఒకరిలోకి ఒకరు
తొంగి చూస్తూ

పెదవి దాటని రాగమేదో
పల్లవిగా సుళ్ళు తిరుగుతూ
మౌన చరణాలుగా

రెండు పావురాళ్ళ
గుర్ గుర్ శబ్దాల
ఆలాపనల మద్య పలకరింపులా

కాసేపలా నడిచి వద్దాం
నీరెండనింత దోసిలిలో పట్టి
ఒకరిలోకొకరు
ఇంకుతు వెచ్చగా

తల్లి కాళ్ళ మద్య విశ్రమిస్తున్న
ఆ కుక్క పిల్లలులా
మెడ అంచున చేతులు మెలిక వేస్తూ
.
.
.
.
కాసేపలా...

14 comments:

  1. amazing....beautifully expressed da feel between two souls....

    ReplyDelete
  2. పదండి.....నడక ఆరోగ్యానికి మంచిదే ;-)

    ReplyDelete
    Replies
    1. మరి రండి ఆరోగ్యంగా నడుద్దాం..:-)

      Delete
  3. చాన్నాళ్ళకి మీ ఎదలోతుల్లో ఉప్పొంగిన భావకెరటం...బహుబాగు

    ReplyDelete
    Replies
    1. మీ ఆత్మీయ స్పందనకు ధన్యవాదాలండీ పద్మార్పిత గారు..

      Delete
  4. పిక్ ఎంతగా నచ్చిందంటే అలా చూస్తూ కమెంట్ ఏం రాయాలనుకున్నానో మరచిపోయి బాగుంది చాలా చాలా నచ్చింది అనుకుంటూ పిక్ చూస్తూనే ఉన్నాను.

    ReplyDelete
    Replies
    1. మీలా ఆకుపచ్చటి పిక్ లు దొరకడం లేదండీ..:-)
      మీ అభిమానానికి ధన్యవాదాలు తెలుగమ్మాయి గారు..

      Delete
  5. ఓ సెల ఏరులా సాగింది మీ కవిత !
    సాహిత్యం చాలా బాగుంది .
    గుండెల నిండా ప్రశాంతతని నింపింది
    శ్రీపాద

    ReplyDelete
    Replies
    1. మీ ఆశీర్వచన స్పందనకు ధన్యవాదాలు శ్రీపాద గారు.. _/\_

      Delete
  6. Varma gaaru, meeru naduddamani cheppi mammalni kaasepu eto teesukellipoyaaru:-):-)
    superb sir.

    ReplyDelete
  7. కార్తీక్ (ఎగిసే అలలు) గారు మీ ఆత్మీయ స్పందనకు ధన్యవాదాలు సార్..

    ReplyDelete

  8. తల్లి కాళ్ళ మద్య విశ్రమిస్తున్న
    ఆ కుక్క పిల్లలులా
    మెడ అంచున చేతులు మెలిక వేస్తూ
    కాసేపలా...

    చాలా ఆర్దతతో నిండిన భావాలివి . కవిత ఆసాంతం చాలా బాగుందండీ వర్మ గారు

    ReplyDelete
  9. ధన్యవాదాలు శ్రీపాద గారు..

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...