నిర్వికల్పం..

నీ చుట్టూ పరచుకుంటున్న నిశ్శబ్దాన్ని
గ్రహించలేనితనం

ఒకటే ఒడిదుడుకుగా అడుగులు వేస్తూ
పరుగు

అయినా ఒక్కడుగు ముందుకు
జరగనితనం

ఇన్నిన్ని మాటలు నీ ముందు
కుప్పబోసి

ఒక్కటీ ఇంకనితనంతో
ఆవిరవుతూ

రెప్ప మూతల మద్య పొర ఏదో
తడిగా ఇగురుతూ

జ్వరపు చేయి వెచ్చగా
నుదుటిపై తాకుతూ

నువ్వలా రక్తమింకిన పెదాలతో
తెల్లగా నవ్వుతూ

సమాధానంగా ఒట్టి చేతులతో
మోకరిల్లుతూ నేను!

(తే 13-01-2014 దీ రాత్రి 11.18)