అవుననిపిస్తోందిప్పుడు
మౌనమూ ఓ పదునైన ఆయుధమని...
మౌనం ఓ పెద్ద అగాధమని....
మౌనం ఓ పేలని అణు బాంబని....
అలా రెండు పెదవులు మూసి వుంచి
ఏమైనా సాధించవచ్చని...
అవుననిపిస్తోందిప్పుడు
మౌనం సకల మాటల కలయికని...
వేలాది ప్రశ్నల అక్షయ తూణీరమని....
కోట్లాది సమాధానాల సమాహారమని....
మౌనాన్ని భరించే శక్తి
ఈ పిడికెడు గుండెకు లేదని
ఎలా చెప్పను...
నేనూ మునిగా మారడం తప్ప....
No comments:
Post a Comment
నిర్మొహమాటంగా చెప్తే సంతోషిస్తా..