Thursday, May 26, 2011

అమ్మా నీ చల్లని చూపు కోసం..

ఎందుకో ఇన్నాళ్ళు
ఆ కళ్ళలోంచి వర్షించిన ప్రేమామృత ధారలు
నాకు దూరమౌతాయన్న బెంగ ఆవరించి
హృదయమంతా పిండేసినట్టుండేది...

ఆమె కళ్ళలోకి సూదులు గుచ్చుతారని తెలిసి
గుండెల్లో గునపం దిగినట్లుండేది...

ఆ కంటినావరించిన మబ్బు తెర
తొలగిపోతే ఆ కళ్ళలోని మెరుపును
మరల చూడగలనన్న ఎరుక
మరో వైపు ధైర్యం చెప్తూనే వుంది...

అయినా ఆ కంటిని మూసిన
ప్లాస్టర్ తొలగేంత వరకు
నా యీ పెరిగిన గుండె లయ
తగ్గదింక...

అమ్మా నీ వెన్నెలంటి చల్లని
చూపుకోసం ఆర్తిగా...

(ఈ రోజు మా అమ్మకు జరిగిన కంటి ఆపరేషన్ గది బయట నా మనసు)

No comments:

Post a Comment

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...