ఇప్పుడంతా రాబందుల రెక్కల చప్పుడే
ఏ మూల చూసినా కాసింత జాగాను కూడా
మింగేసే అనకొండలా వస్తున్న భూబకాసురులు...
భూమి ఇప్పుడు చెరబట్టబడుతోంది...
అన్నపూర్ణకు చావొచ్చింది!
అంతా కాసులమయం కాబడి కాలికింద నేలను
కబలిస్తూ జీవితం మెడపై కాడి కాబడుతోంది...
ఇదేమని అడిగితే తూటాలతో కడుపునింపుతున్నారు...
నయా సామంతుల పాలనలో నిన్ను పాతడానికి
మూడడుగుల జాగా కూడా కరవైపోతోంది!
అయ్యా !
కాల్లు రెండూ డొక్కలో పెట్టుకొని
కాసింత కునుకు తీయడానికింత జాగా వుంచుతారా???
మేమేమీ మేడలు మిద్దెలు అడగలేదు...
రేప్పొద్దున్న మీ కళ్ళలో బియ్యం పొయ్యడానికి
కాసింత మెరక వదిలితే రెండు వరి దుబ్బులు పండిస్తాం!!
(దేశ వ్యాప్తంగా రైతులపై జరుగుతున్న కాల్పులను నిరసిస్తూ)
మింగేసే అనకొండలా వస్తున్న భూబకాసురులు...
భూమి ఇప్పుడు చెరబట్టబడుతోంది...
అన్నపూర్ణకు చావొచ్చింది!
అంతా కాసులమయం కాబడి కాలికింద నేలను
కబలిస్తూ జీవితం మెడపై కాడి కాబడుతోంది...
ఇదేమని అడిగితే తూటాలతో కడుపునింపుతున్నారు...
నయా సామంతుల పాలనలో నిన్ను పాతడానికి
మూడడుగుల జాగా కూడా కరవైపోతోంది!
అయ్యా !
కాల్లు రెండూ డొక్కలో పెట్టుకొని
కాసింత కునుకు తీయడానికింత జాగా వుంచుతారా???
మేమేమీ మేడలు మిద్దెలు అడగలేదు...
రేప్పొద్దున్న మీ కళ్ళలో బియ్యం పొయ్యడానికి
కాసింత మెరక వదిలితే రెండు వరి దుబ్బులు పండిస్తాం!!
(దేశ వ్యాప్తంగా రైతులపై జరుగుతున్న కాల్పులను నిరసిస్తూ)
No comments:
Post a Comment
నిర్మొహమాటంగా చెప్తే సంతోషిస్తా..