అలల కలల సవ్వడి..

అంతరంగ సాగరంలో
ఎగసిపడే కలల అలలు
అలా అలా ఒడ్డుకు
కొట్టుకొని నిరాసపు ఇసుక తిన్నెల మీద
పడి ఇంకి పోతూ...

అయినా అలా అలల
కలల సవ్వడి వీడదే మనసు...

మనఃఫలకంపై ఎన్నెన్ని
అడుగు జాడల ముద్రలు...
ఎన్నెన్ని కలల కదలికలు...
ఇంద్ర దనస్సులా మనసు నిండా
ఆ మూల నుండి ఈ చివరవరకూ
వంగి ముద్దాడుతూ...
మెరిసిన మెరుపుల విద్యుల్లతల
కాంతి పుంజాలు...

జీవితమే అంతులేని కలలా
అలా సాగిపోతూ తీరని ఆశల
అలలా ఈ ఒడ్డున...