Tuesday, November 12, 2013

అక్షర వృత్తాలు

తలతిప్పగ చుట్టూ చీకటి అరల మద్య
నువ్వో సుక్కలా మెరిసేవు

ఎక్కడో దాగున్న ఆ జ్నాపకాల నీటి పొరలను
చీల్చుకు వచ్చేవు

ఎన్నెల ఎలుగులు ఎక్కడో మాసి పోయినట్టు
ఈ మూల ఒట్టిపోయిన నీటి కుండ

దాహమేయని గొంతులో నువ్వొక చినుకులా
పుష్పిస్తావు ఈ కటకటాల వెనక

మసిరాతల గోడల నిండా అతకని
అక్షరాల వృత్తాల మద్య

బంధించబడ్డ హృదయం నెత్తుటి జాడల గుండా
ప్రవహిస్తున్న జీవ కళిక

ఎక్కడో నూనె మాసిన మల్లెల వాసన
ముక్కుపుటాలను తాకుతూ

మరపు రాని మాటల ముసురులా
ఈ చలి నెగడు చుట్టూ

పాకురు పట్టిన గోడ మీదుగా పాకిన
సన్నని పూల తీగ పసుప్పచ్చగా

నిద్ర మరచిన ఒంటరి కనురెప్పల మద్య
కరిగిపోని కల ఓ రక్త చారికలా!!

(12-11-13 2.49 PM)

12 comments:

  1. ఒంటరి ఖైదీ మదిలో మెరిసే జ్ఞాపకాలే కదా.....కాలంతోబాటు సాగడానికి....జీవించడానికి ఆసరా...

    దాహమేయని గొంతులో నువ్వొక చినుకులా
    పుష్పిస్తావు ఈ కటకటాల వెనక
    ఎంతో అపురూపంగా అనిపిస్తోందీ భావన...."కవి వర్మ" గారూ

    ReplyDelete
  2. Gurujee....heart touching..:-):-)

    ReplyDelete
  3. దాహమేయని గొంతులో నువ్వొక చినుకులా
    పుష్పిస్తావు ఈ కటకటాల వెనక....ఎంత వేదనండి

    ReplyDelete
    Replies
    1. అర్థం చేసుకున్నందుకు ధన్యవాదాలు తెలుగమ్మాయి గారు

      Delete
  4. మీ ఈ ప్రతి పదంలోను మీరున్నారు
    భావాలు మీవి, పదాలు మీవి....
    వ్యధ మాత్రం మీది కాకూడదని ఆశిస్తూ

    ReplyDelete
    Replies
    1. మీ అభిమాన స్పందనకు ధన్యవాదాలు పద్మార్పిత గారు..

      Delete
  5. ఎక్కడో నూనె మాసిన మల్లెల వాసన
    ముక్కుపుటాలను తాకుతూ
    ఇలా రాయడం మీకే సొంతం

    ReplyDelete
    Replies
    1. ధన్యవాదాలు యోహాంత్ గారు..

      Delete
  6. ప్రతి అక్షరమూ ఓ గొప్ప భావాన్ని మోసుకొస్తుంది.
    మీదైన శైలిలో చాలా బాగుంది వర్మాజి

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...