Thursday, April 16, 2015

దు:ఖపు చినుకు..


గాలికి కాసింత రంగునద్దుదామని
ఇన్ని గోరింటాకులు ఏరి తెచ్చా

కానీ గాలి ఆ కొండ మలుపుని దాటగానే
ఓ పావురం నెత్తురంటి ఎర్రగా కుంగిపోయింది!

పాటకింత పరిమళాన్ని జతచేద్దామని
ఇన్ని మల్లెలు గుది గుచ్చి తెచ్చా

కానీ పాట ఆ అడివంచు చేరగానే
గొంతు తెగిన కోయిలొకటి కూలిపోయింది!

ఒక దు:ఖపు చినుకు రాలి
నేల తల్లికి గర్భస్రావం అయింది!!

5 comments:

  1. బాగుంది కవిత

    ReplyDelete
  2. ఒక దు:ఖపు చినుకు రాలి
    నేల తల్లికి గర్భస్రావం అయింది
    ఇలాంటి ప్రత్యేకమైన మాటలతో మనసుని మెలిపెడతారు. అందుకే మీరు KKK

    ReplyDelete
  3. కవితలు బాగుంటాయి.

    ReplyDelete
  4. బాగుంది..బాగుంది

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...