Monday, July 15, 2013

మాటలు


కొన్ని మాటలు 
చెవిలో దూరినా మనసులో ఇంకవు

కొన్ని మాటలు
దూలం కంటే పెద్దగా అయి లోపలికి రాలేవు

కొన్ని మాటలు
ముళ్ళులా మారి దేహంతో పాటు మనసును గుచ్చుతాయి

కొన్ని మాటలు
ఆత్మీయంగా పలకరించి జీవం పోస్తాయి

కొన్ని మాటలు 
తొలకరి చినుకులా కురిసి చిగురు వేస్తాయి

కొన్ని మాటలు
వెన్నెల చల్లదనాన్ని పంచి ప్రశాంతతనిస్తాయి

కొన్ని మాటలు
రక్తాన్ని మరిగించి కరవాలాన్నందించి యుద్ధోన్ముఖున్ని చేస్తాయి

కొన్ని మాటలు
నిన్ను అంతర్ముఖున్ని చేసి సుషుప్తిలోకి నెట్టి స్వాంతననిస్తాయి

కొన్ని మాటలు
రావి ఆకు చివరన నీటి బొట్టులా నీ కనులపై పడి వెలుగు నింపుతాయి

కొన్ని మాటలు
అమ్మ చనుబాలులా మళ్ళీ మనిషిని చేస్తాయి...

22 comments:

  1. కొన్ని కవితలు
    చదివిన వెంటనే "భలే" అనిపిస్తాయి...
    బాగుంది వర్మ గారు

    ReplyDelete
    Replies
    1. ధన్యవాదాలు జలతారు వెన్నెల గారు..:-)

      Delete
  2. కొన్ని మాటలేంటండి ఇవి వర్మగారు.......మనసుగూటిలో దాచుకోవలసిన రత్నాల మూటలు

    ReplyDelete
    Replies
    1. మీ మాటలిలా స్ఫూర్తినిస్తూనే వుండాలి పద్మార్పిత గారు.. ధన్యవాదాలు..

      Delete
  3. అమ్మ చనుబాలలా మళ్ళీ మనిషిని చేసే మాటలు లిఖించే కేక్యూబ్ వర్మగారు ఇలా ఇంకా ఎన్నో ఎన్నెన్నోరాయాలని,రాసి రాశి పోయాలని........

    ReplyDelete
    Replies
    1. మీ ఆత్మీయ మాటలు స్ఫూర్తిదాయకం సూర్యప్రకాష్ గారు.. ధన్యవాదాలు..

      Delete
  4. మాటేమంత్రమూ....

    ReplyDelete
    Replies
    1. నిజమే కదా!! థాంక్యూ కష్టేఫలే గారు..

      Delete
  5. అప్పుడప్పుడూ ఇలా ఓ నాలుగు మంచిమాటలు రాయండి.

    ReplyDelete
    Replies
    1. మీరిలా చెప్పాలే కానీ తప్పకుండా ట్రై చేస్తా సార్.. ధన్యవాదాలు..

      Delete
  6. మాటల్లోని మర్మాన్ని మహా గమ్మత్తుగా చెప్పారు :)

    ReplyDelete
    Replies
    1. అవునా!! ఇందులో గమ్మత్తేముంది అనికేత్.. మత్తు లేకుండా చెప్పినవే..
      థాంక్యూ..:-)

      Delete
  7. మీ రాతలు మాటలు కూడా బాగుంటాయి :-)

    ReplyDelete
    Replies
    1. అవునా.. ధన్యవాదాలు తెలుగమ్మాయిగోరూ...:-)

      Delete
  8. నిజమే వర్మ గారూ, కొన్ని మాటలు జీవితాన్ని చిగురింపచేస్తాయి, మీ ప్రతిమాటా బాగుంది.

    ReplyDelete
  9. మీ మాటలకేమండి....మాచక్కగా చెప్తారు కవితలరూపంలో.

    ReplyDelete
    Replies
    1. మీ అభిమానమండీ సృజన గారు.. చాలా రోజులకు మీ స్పందన. ధన్యవాదాలు..

      Delete
  10. ee "maatalu" naakentho prerananistunay...

    ReplyDelete
  11. "మీ మాటలను ముద్దాడి నప్పుడల్లా ....తెలియని సంతోషం....
    మీ మాట ల వొరవడి ని ..ఇలానే కొనసాగించాలి " అబినందనలు ...వర్మ గారు ..

    ReplyDelete
    Replies
    1. మీ ఆత్మీయ స్పందనకు ధన్యవాదాలు కరుణ సాగర్ గారు..

      Delete
  12. "మీ మాటలను ముద్దాడి నప్పుడల్లా ....తెలియని సంతోషం....
    మీ మాట ల వొరవడి ని ..ఇలానే కొనసాగించాలి " అబినందనలు ...వర్మ గారు ..

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...