దీపాల దీవిలో...

నడచిన దారెంట ఇన్ని రాలిన పూల గురుతులు
రాక మరచిన అతిథిలా...

దప్పిక తీరని గొంతులో ఇన్ని తేనె మాటలు
ఒంపిన క్షణాలు...

కాలం పరుగుపెడుతున్న ఈ దీపాల దీవిలో
నడక సాగుతూనే...

వెచ్చని తడి ఆరని సంధ్య మలుపులో
ఆకలి తీరని కళ్ళు...

ఒక్కడే దివిటీగా మండుతున్న హృదయంతో
విషాద గీతమాలపిస్తూ...

అగ్ని పూల చెండులో దారంగా మారుతు
భగ భగ మండుతూ...

ఆకాశంలో ఆ చిగురున ఓ మిణుగురు
ఎర్రగా అంతర్థానమవుతూ...