జీవితమే యుద్ధమైనప్పుడు..

 

మేమున్నది యుద్ధరంగంలోనే

జరిగేది, జరగబోయేది యుద్ధమేనని తెలుసు

కొత్తగా మీ ఘీంకారాలకు వెరచి వెన్ను చూపేది లేదు

 

ఆయుధం మీకు జీతాన్నిస్తుంది..

ఆయుధం మా శరీరాంతర్భాగమయ్యింది

ఇది స్పార్టకస్ తో మొదలై  కొనసాగుతూన్న కలల పోరాటం..

 

సత్యం కోసం జరిగే అలుపెరుగని ఆరాటమిది

కోట్లాది ఆక్రందనల, అవేదనల, ఆర్తనాదాలకు ముగింపు కొరకు

నేలతల్లి విముక్తికొరకు సాగుతున్న సాయుధ కవాతు యిది

 

ఓటమి నెదుర్కొనడం మాకు కొత్త కాదు

శతాబ్ధాల మహాప్రస్థానమిది

జీవితమే యుద్ధమైనపుడు

యుద్ధాన్ని ఓడించడానికే యుద్ధం చేస్తున్న వాళ్ళం…