నీళ్ళు....

కడవల కొద్దీ నీళ్ళు

కలలో కళ్ళలో

నదిలో పాదాలు

మండుతూ ఇసుకలో

గిర్రున తిరుగుతూ

నేల రాలిన కాకి

ఎవరి కంట్లోను

తడిలేనితనం

గుండె ఆవిరై 

నెత్తురు నల్లని మరకగా

నాచు బారిన ఈ 

గోడను వేలితో గీస్తూ

నీళ్ళింకిన మొదలుతో

ఆకు రాలిన బూరుగుమాను

దేహం ఉష్ణ మండల కాసారం

రా

లి

న

పూవొకటి తారుపై మరుగుతూ

ఎ

ము

క

లు

ఉబ్బిన అనాధ రహదారి పక్కన

ఒక తడి మాటను

చిలికి పో!

రాత్రి నీకిన్ని

నీళ్ళు దానం చేస్తుంది...