కొన్ని సాయంత్రాలకు మోదుగు పూలు
నేలరాలుతాయి
ఒక్కో పూవును చిదిమి వేస్తూ
నవ్వుకుంటాడు వాడు
దేహం కాలుతున్న వాసనతో
చెట్లన్నీ ఆకులు రాలుస్తాయి
తలకు వున్న పేర్లన్నీ ఇప్పుడు
చెరిపి వేయబడతాయిఐ
గోడల్నిండా ముఖాలు మేకులకు
వేలాడబడుతూ నవ్వుతాయి
నువ్వంటావు
బతకనివ్వరా పసిపాపలనని?
ఔను
కలల వంతెనలను వాడు
కూల్చుతానే వుంటాడు!
వాళ్ళు పావురాలను ఎగుర
వేస్తూనే వుంటారు!!
(శృతి సాగర్ లకు)
No comments:
Post a Comment
నిర్మొహమాటంగా చెప్తే సంతోషిస్తా..