Sunday, February 28, 2016

ఏం రాయను

కాలమిక్కడ స్నేహంగానే గుండెల్లో మంచు కత్తిని
దించుతూ
పొగరుగా నవ్వతూ ఉంటే

చీకటి చొక్కాలో దాగిన ఆత్మ ఒక్కసారిగా
జారిపోతూ
వెన్నుపోటు పొడుస్తూ ఉంటే

నీ కాళ్ళు నీ గమ్యానికి దూరంగా 
జరుగుతూ
ఒంటరిగా విడిచి పోతూ ఉంటే

కాలుతూ రాలిపడ్డ ఉల్క ఏదో 
మెరుస్తూ
నేల మాళిగలోకి చేరిపోతూ ఉంటే

ఏం 
రా
ను

కొన్ని దేహాలకు ఆత్మలు లేవనా? 
నువ్ నువ్వు కాదనా?

1 comment:

  1. దేహం ఆత్మ స్నేహితులు
    జీవాత్మ పరమాత్మ సన్నిహితులు
    ఆకాశం భూమి ఆజన్మ స్నేహితులు

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...