Tuesday, February 5, 2013

ప్రవాహాన్ని...


అలుపు తీర్చుకుందామని
ఈ మలుపు దగ్గర ఆగాను...

ఈ గడ్డి పరక ఒకటి మెత్తగా తాకుతూ
నిటారుగా నిలబడుతూ వుంది పచ్చగా...

ఒరిపిడి తాకిడికి ఈ రాతి గుండె
సున్నితత్వాన్ని పొందినట్టుంది....

ఈ ఇసుక పర్రల మధ్య మెరుస్తున్న
రేణువుల బంగరు చాయ...

అలల మధ్య ఖాళీ వలయాల గుండా
నీటి పాయల సుళ్ళు...

ఒక్కోటీ దేనికదే ప్రత్యేకంగాను
కలగలసిన ఏకత్వాన్ని పొందుతూ...

ఆగని ప్రవాహం మరల మరల
సాగుతూ నిరంతర యానం...

16 comments:

  1. Ee bhava sangharshana antharmukheenangaa undi. Saamaajikamai bahirgathamaithe baagundu.

    ReplyDelete
    Replies
    1. సద్గుణ సమాజం గారూ అంతర్ముఖంగా కలిగిన భావమే కదా సామాజీకరింపబడుతుంది. ఇందులో అంతర్లీనంగా చెప్పిన విషయమదే కదా సార్.. మీ స్పందనకు ధన్యవాదాలు.

      Delete
  2. కవిత బాగుందండి.

    ReplyDelete
  3. చాన్నాళ్ళకి పదాలని పలికించారు...
    ప్రవాహాన్ని పరవళ్ళుత్రొక్కుతూ సాగనీయండి!

    ReplyDelete
    Replies
    1. తప్పకుండా పద్మార్పిత గారూ..
      మీ ఆత్మీయ స్పందనకు ధన్యవాదాలండీ...

      Delete
  4. మీ అందమైన భావప్రవాహంలో మమ్మల్ని తడవనీయండి:)

    ReplyDelete
    Replies
    1. అంతకంటే మంచి అవకాశం నా భావాలకుంటుందా అనికేత్...
      మీ అభిమానానికి సదా కృతజ్నున్ని...

      Delete
  5. మీ పచ్చదనాల పదవిన్యాసానికి చిత్రం చక్కగా కుదిరింది. అభినందనలు

    ReplyDelete
    Replies
    1. మీ అభినందనలు పొందడం నా అదృష్టమండీ ప్రేరణ గారు..
      ధన్యవాదాలు...

      Delete
  6. మీ కవీతా ప్రవాహం మధ్యలో ఆగి మొదలైనట్లుంది....సాగనివ్వండి :-)

    ReplyDelete
  7. ఆగి మరల కొత్తగా మొదలవుదామని... మీ అభిమానానికి ధన్యవాదాలు తెలుగమ్మాయిగారూ...

    ReplyDelete
  8. ఒరిపిడి తాకిడికి ఈ రాతి గుండె
    సున్నితత్వాన్ని పొందినట్టుంది....చాల బాగుంది సర్ జి

    ReplyDelete

  9. ఈ గడ్డి పరక ఒకటి మెత్తగా తాకుతూ
    నిటారుగా నిలబడుతూ వుంది పచ్చగా...

    ఒరిపిడి తాకిడికి ఈ రాతి గుండె
    సున్నితత్వాన్ని పొందినట్టుంది....
    బాగుంది సార్ మీ కవితా ప్రవాహ వెల్లువ

    ReplyDelete

నిర్మొహమాటంగా చెప్తే సంతోషిస్తా..

Related Posts Plugin for WordPress, Blogger...