కంచె వెనకాల

నా ఇంటి నుండి, వీధి నుండి,

చివరకు నా ఊరి నుండి వెళ్ళగొట్టి,

అయినవాళ్ళ ఉసురు తీసి,

నా గొడ్డు గోదా లాక్కుని,

నన్ను లూటీ చేసి

నేను అల్లుకున్న నా కలల పొదరిల్లును కూల్చి

స్వదేశంలోనే కాందిశీకుడ్ని చేసి,

నా మెడపై నా జీవితాన్నే కాడిగా మార్చి

నీవు నీ ముళ్ళ చేతులతో పావురాలను ఎగరేసే ద్రోహాన్ని

బద్దలుకొట్టే క్షణం కోసం ఈ కంచెవెనకాల నేను...


(నిర్బంధ సైనిక శిబిరాల వెనక బంధింపబడ్డ శ్రీలంక తమిళులు, దండకారణ్య ఆదివాసీలకు సంఘీభావంగా)