చీకటి పట్టిన
గోడపై
ఓ
ఎర్ర గీత
వెలుతురు తోవ
చూపుతూ
Thursday, September 28, 2017
ఇప్పుడు మొదలయ్యింది..
ఇప్పుడు
అంతా నువ్వే అంటూ
నువ్వూ మేమే అంటూ
వీధుల్లోకి నడిచి వస్తున్నారు
ఒక చావు ఇన్ని గొంతులుగా
నినదించడం కొత్త ఆశ కదా!
చంపిన వాడు
ఏ కలుగులోనో దాక్కొని
తన చేతికంటిన నెత్తురుని
వదుల్చుకో చూస్తున్నాడు!
కదులుతున్న పాదాల ధ్వని
వాడి గుండెల్లో దడపుట్టిస్తుంది
నీ నెత్తుటి వాసన మట్టిలో కలిసి
నల్లని అక్షరాలుగా మారి
దుఃఖాన్ని ఎరుపెక్కిస్తున్నాయి!
నువ్ నవ్వుతున్న ఫోటో
ఈ దేశ చిత్రపటం అవుతోంది!
ఒక్కొక్కరూ నేనే నువ్వంటూ
సవాల్ విసురుతున్నారు!
యుధ్ధం
ఇప్పుడు మొదలయ్యింది!!
(గౌరీ లంకేష్ హత్యకు నిరసనగా)
#GauriLankesh
Septmebr 8/2017
Subscribe to:
Posts (Atom)
