కొన్ని ఖాళీలు
అలా మిగిలిపోతూ వుంటాయి
ఒక్కొక్కరు వారి చెరగని సంతకం
చేసి వెళ్ళిపోతారు
ఎంత అనుకరించినా దాని ముద్ర
చెరిగిపోదు
ఖాళీలు పూరించడానికి
ఎవరెవరో వస్తారు
కానీ ఒక్కొక్కరిదీ ఒక
లిపిగానే మిగిలిపోతుంది
ఖాళీల మధ్య తడి ఆరని
బంధమేదో పరిమళిస్తుంది
ఎవరి పేజీ వారిని తన లోలోపలి
పొరలలో దాచుకుంటుంది పుడమి
ఖాళీలను పూరిస్తూ కొత్త
విత్తనమేదో చిగురిస్తుంది మరొకసారి
వేచి వుందాం చెవులు రిక్కించి
భూమి పొరలపై...
(గాన గంధర్వ బాలు తలపులో)
