కాసేపలా నడిచి వద్దాం
ఏకాంతంగా
ఒకరిలోకొకరిగా
ఎవరికి వారుగా
చల్లగా కాలికింద ఇసుక
మెత్తగా నలుగుతూ
వేసిన ముద్రలు కరుగుతూ
రెండు వెదురు ఆకులు
ఒకటికి ఒకటి
నిశ్శబ్దంగా రాసుకుంటున్నట్టు
కాసేపలా నడిచి వద్దాం
ఒకరిలోకి ఒకరు
తొంగి చూస్తూ
పెదవి దాటని రాగమేదో
పల్లవిగా సుళ్ళు తిరుగుతూ
మౌన చరణాలుగా
రెండు పావురాళ్ళ
గుర్ గుర్ శబ్దాల
ఆలాపనల మద్య పలకరింపులా
కాసేపలా నడిచి వద్దాం
నీరెండనింత దోసిలిలో పట్టి
ఒకరిలోకొకరు
ఇంకుతు వెచ్చగా
తల్లి కాళ్ళ మద్య విశ్రమిస్తున్న
ఆ కుక్క పిల్లలులా
మెడ అంచున చేతులు మెలిక వేస్తూ
.
.
.
.
కాసేపలా...
ఏకాంతంగా
ఒకరిలోకొకరిగా
ఎవరికి వారుగా
చల్లగా కాలికింద ఇసుక
మెత్తగా నలుగుతూ
వేసిన ముద్రలు కరుగుతూ
రెండు వెదురు ఆకులు
ఒకటికి ఒకటి
నిశ్శబ్దంగా రాసుకుంటున్నట్టు
కాసేపలా నడిచి వద్దాం
ఒకరిలోకి ఒకరు
తొంగి చూస్తూ
పెదవి దాటని రాగమేదో
పల్లవిగా సుళ్ళు తిరుగుతూ
మౌన చరణాలుగా
రెండు పావురాళ్ళ
గుర్ గుర్ శబ్దాల
ఆలాపనల మద్య పలకరింపులా
కాసేపలా నడిచి వద్దాం
నీరెండనింత దోసిలిలో పట్టి
ఒకరిలోకొకరు
ఇంకుతు వెచ్చగా
తల్లి కాళ్ళ మద్య విశ్రమిస్తున్న
ఆ కుక్క పిల్లలులా
మెడ అంచున చేతులు మెలిక వేస్తూ
.
.
.
.
కాసేపలా...
